Our Journey in Farming

From physician to passionate farmer, we embrace the beauty of nature while navigating the challenges of running a farm business. Join us in our journey towards sustainable agriculture and green living.

اسمى اسلام الصالحى بشتغل طبيب و ما زلت بمارس مهنتى و لكن شغفى الأكبر هو منظر الطبيعة و الحقول الخضراء اللى كنت بلعب فيها مع اصدقائى فى طفولتنا. من هنا اتكون حلمى انى امتلك مزرعة و اعيش و اكسب من الزراعة و تربية الحيوانات و فعلا بدأت فى تنفيذ حلم حياتى و كلفت حد يشتريلى أرض زراعية و انا مسافر و لكن بعد ما رجعت مصر سنة 2023 اكتشفت انى وقعت فى كارثة كان ممكن تضيع كل ما أملك بسبب عدم معرفتى السابقة بمجال الزراعة.

انا بالفعل خسرت مئات الآلاف من الجنيهات بسبب بداية خاطئة و غياب الGuide لكن ده مكانش كافى انى اتخلى عن حلمى و اسيب المجال اللى طول عمرى بحلم ادخله.

كملت طريقى و أصبحت مرة واحدة المسؤول الوحيد عن المزرعة بتاعتى بعد ماكنت مكتفى بشوية فيديوهات و صور و مريت بلحظات يأس و إحباط كتير و لكن كان أكبر دافع ليا هو شغفى وسعادتى و انا موجود فى مزرعتى.

عشان كده ربنى وفقنى و قدرت دلوقت اكتسب الخبرة الكافية لتشغيل المزرعة بأقل التكاليف و ازود مصادر الربح منها بعد ما كانت مقتصرة على محصول المانجو السنوى و بعد ما كنت فريسة سهلة للناس المحيطة أصبح بيتقال قدامى انت بقيت شخص تانى غير اللى عرفناه قبل كده و ده أكبر مكسب من وجهة نظرى.

رحلتى لسه طويلة و مشوقة جدا و انا فعليا سعيد جدا بكل تفاصيلها و عشان كده حابب اشارك كل واحد مستعد يمشى فى نفس الطريق فى رحلتى عشان يتجنب الأخطاء و المشاكل اللى قابلتنى و يوفر على نفسه وقت و فلوس و مجهود كبير.

لو مهتم تمشى نفس طريقى سجل بيانات و املا الفورم على الموقع من هنا و هيتم التواصل معاك